ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ប្រធានាធិបតីតៃវ៉ាន់ទស្សនកិច្ចតំបន់អាមេរិកឡាទីន និងឆ្លងកាត់ទឹកដីសហរដ្ឋអាមេរិក

  • ចុះផ្សាយថ្ងៃទី២២ ខែមីនា ឆ្នាំ២០២៣ ម៉ោង ១២:០០ នាទី ដោយ Mesa
  • 1615
  Aa |   aA

អន្តរជាតិ៖ ប្រធានាធិបតីតៃវ៉ាន់ លោកស្រី សៃ អ៉ីងវិន (Tsai Ing-wen) នឹងធ្វើទស្សនកិច្ចលក្ខណៈផ្លូវទូតទៅកាន់ប្រទេសជាសម្ព័ន្ធមិត្តរួមមានប្រទេស ហ្គាតេម៉ាឡា និង បេលីស្ស នាសប្តាហ៍ក្រោយ ព្រមទាំងមានការឈប់សំចតនៅលើទឹកដីសហរដ្ឋអាមេរិកផងដែរ។ នេះបើតាមការបញ្ជាក់របស់ក្រសួងការបរទេសកោះតៃវ៉ាន់ឱ្យដឹងនៅយប់ថ្ងៃទី២១ ខែមីនាម្សិលមិញនេះ ខណៈដែលដំណើរទស្សនកិច្ចនេះត្រូវបានធ្វើឡើងក្នុងគោលបំណងពង្រឹងទំនាក់ទំនងរបស់ខ្លួននៅអាមេរិកឡាទីន។

ផ្អែកតាមប្រភពដដែលបានឱ្យដឹងថា លោកស្រី សៃ អ៉ីងវិន នឹងចាកចេញពីកោះតៃវ៉ាន់នៅថ្ងៃទី២៩ ខែមីនាខាងមុខនេះ ក្នុងដំណើរទស្សនកិច្ចរយៈពេល ១០ថ្ងៃ ដោយនឹងមានការចូលចតនៅទឹកដីទីក្រុងញូវយ៉ក និងឡូស អេនចឺលេស សហរដ្ឋអាមេរិក អំឡុងការធ្វើដំណើរទៅ និងត្រឡប់មកពីតំបន់អាមេរិកឡាទីនវិញ។ គួរបញ្ជាក់ថា ហ្គាតេម៉ាឡា និង បេលីស្ស គឺជាប្រទេសចំនួនពីរក្នុងចំណោម ១៤ ដែលទទួលស្គាល់កោះតៃវ៉ាន់ជាផ្លូវការ ហើយទស្សនកិច្ចរបស់ប្រធានាធិបតីតៃវ៉ាន់ពេលនេះបានធ្វើឡើងក្រោយពេលប្រទេសហុងឌូរ៉ាស បានប្រកាសពីការបង្វែរការទូតរបស់ខ្លួនពីតៃវ៉ាន់ ទៅមានទំនាក់ទំនងផ្លូវការជាមួយចិនវិញ។ 

អំឡុងទស្សនកិច្ចនេះ លោកស្រី សៃ អ៉ីងវិន នឹងជួបជជែកជាមួយដៃគូសម្ព័ន្ធមិត្តរបស់ខ្លួនគឺលោក អាឡេហាន់ដ្រូ ហ្គាមម៉ាតី (Alejandro Giammattei) ប្រធានាធិបតីប្រទេសហ្គាតេម៉ាឡា និងលោក ចន ប្រីស្សេណូ (John Briceno) នាយករដ្ឋមន្រ្តីបេលីស្ស។ មិនត្រឹមតែប៉ុណ្ណោះ បន្ថែមពីលើជំនួបជាផ្លូវការនេះ លោកស្រីក៏នឹងគ្រោងជួបជាមួយបុគ្គលសំខាន់ៗនៃរដ្ឋាភិបាលអាមេរិកដូចជាប្រធានសភាអាមេរិកជាដើម ក្នុងគោលបំណងជជែកពីផែនការនៃការទប់ស្កាត់របស់តៃវ៉ាន់ចំពោះឥទ្ធិពលរបស់ចិន។ 

អ្នកនាំពាក្យក្រសួងការបរទេសចិន លោក វ៉ាង វិនពីង បានរំលឹកឡើងវិញនូវការប្រឆាំងរបស់ចិនចំពោះជំនួបរបស់ប្រធានាធិបតីតៃវ៉ាន់ជាមួយមន្រ្តីជាន់ខ្ពស់អាមេរិក។ ចិនបានប្រឆាំងដាច់ខាតចំពោះជំនួបផ្លូវការបែបការទូតណាមួយដែលធ្វើឡើងរវាងអាមេរិក និងចិន និងបានអះអាងថានឹងចាត់វិធានការចំពោះសកម្មភាពនេះប្រសិនបើកើតមាន។ 

គួរបញ្ជាក់ថា រដ្ឋាភិបាលទីក្រុងវ៉ាស៊ីនតោន គឺជាកូនសោរយ៉ាងសំខាន់ និងជាសម្ព័ន្ធមិត្តពីក្រោយយ៉ាងរឹងមាំក្នុងការផ្គត់ផ្គង់អាវុធមកឱ្យតៃវ៉ាន់ បើទោះបីជាអាមេរិកជាប្រទេសដែលបានបង្វែរការទទួលស្គាល់ការទូតតែជាមួយចិនតាំងពីឆ្នាំ១៩៧៩ ក៏ដោយចុះ៕



ព័ត៌មានជាច្រើនទៀតសម្រាប់អ្នក